Ku engetela matimba eka switirhisiwa swo tisa ku rhula
Nseketelo wo Vumba Mpfuneto wa DOD, hi ku tirhisa Maseyila na Mathende, wu simekile xitirhisiwa xo tisa ku rhula xa khontheni hi ti 1 Dzivamisoko 2005 erivaleni ra mintlangu ra Nseketelo wo Vumba Mpfuneto wa DOD ePitori.
Switirhisiwa swimbirhi leswi kombisiweke (khontheni ya xitanga na ya xibedlhele) a swi endleriwe ku tirhisiwa eka mintirho yo tisa ku rhula.
Xitanga xi tirhisiwa eka mintirho ya le handle, naswona hi ku famba ka nkarhi xi ta tirhisiwa hi vuthu ra SANDF leri nga le ku endleni ka mintirho yo tisa ku rhula.
Maseyila na Mathende ku vile mphakelo wa switirhisiwa swa maseyila eka DOD eka makume-nharhu wa malembe laya hundzeke. Tanihi switirhisiwa hinkwaswo swa vuthu, swilaveko eka nkoka wa mathende ya maseyila a swi tshikileriwa. Maseyila na Mathende i mphakelo lowu tsakeriwaka eka Nhlangano wa Matiko (UN)na minhlangano yo ka yi nga ri ya mfumo (NGOs).
Xibedlhele lexi heleleke, xibedlhele xa khontheni lexi kurisiweke xa xigolonyana i xitirhisiwa eBujumbura eBurundi sweswi, naswona switirhisiwa swimbirhi leswi kombisiweke i xikombiso xa leswi xibedlhele lexi xi amukeriwile ku suka eUnited States, hi ku yimela SANDF hi ti 13 N?wendzamhala 2002 hi R Adm Keg Verster, Mulawuri-nkulu wa xiyenge xo xava.
Xibedlhele tanihi lexi endliweke eBujumbura xi na kamara ra vuhandzuri, laboretri, yuniti ya x-ray, yuniti ya dlaya switsongwatsongwana (srerilization) wadi ya nhungu wa mibedo, wadi ya le tlhelo ya tsevu wa mibedo, yuniti yo hlambela kona, ndhawu yo hlantswela kona, ndhawu yo hisela kona, xitanga, dyondzo ya swa rihanyo ya gezi na mphakelo wa gezi.
Hi mpfhuka xibedlhele xi pfuriwa hi Nhlangula 2004 eBurundi, ku tshunguriwe 1388 wa swirho swa SANDF na 252 wa vavabyi va UN ku fikela Sunguti 2005.
Xilaveko xa xitirhisiwa xa muxaka lowu, ku ya hi mavonelo ya hina, xi suka eka mhaka ya leswaku matiko matsongo ya tikonkulu ra Afrika ya na vuswikoti byo rhumela switirhisiwa swa nkoka na vatirhi va nhlayo leyi ringaneke hi ku landzelela ku tirhisa xitirhisiwa xa swa rihanyo xa Ntlawa wa 2 hi nkarhi wa mintirho yo tisa ku rhula? ku vula Majoro Jenerali Abie Landman, Mulawuri Nkulu wa Vuthu ra Malunghiselo ya Rihanyo.
XIFANISO 1: 0002981b1
Endzeni ka khontheni ya xitanga.
XIFANISO 2: 0002981b2
Endzeni ka Khontheni ya xibedlhele.
